Presidentja e Kosovës, Vjosa Osmani, ka thënë se “Darka e Lamës”, është një trashëgimi kulturore që u ka mbijetuar shekujve duke u bërë pjesë e kulturës.

Ajo në fjalim e saj, në shtrimin e kësaj darke tha se “Darka e Lamës” si festën i jep kuptim shprehja shqiptare “Bukë e kripë e zemër”.

“Shqiptarët i kanë dhënë krah njëri tjetrit në kohë të ndryshme duke u bërë solidarë më njeri-tjetrin. Shprehja e njohur ‘bukë e krip e zemër’ merr kuptim në këtë darkë ngase në sofra janë ushqime tradicionale që nderojnë mikun. Sonte mendjen e kemi te të gjitha familjet që kanë humbur më të dashurit e tyre nga COVID-19. Është kohë e vështirë për ta dhe vazhdimi tutje na tregon se sa e rëndësishme është ruajtja e miqësisë më njëri-tjetrin. Kjo darkë tregon për falënderimin tonë ndaj të mirave. Edhe sonte shprehim gjithë falënderimin tonë për mantelbardhët”, ka thënë ajo./

Osmani tha se kjo darkë e nisur nga ish-presidenti Rugova është falënderim për të mirat dhe miqtë që kemi.arbresh.info/